الرئيسية
[100%] 
طبعا كلكن سمعتو عن ئصص عنتر وعبلة,قيس وليلى,وروميو وجوليت ........ وشي مابينتهي من هالئصص الحلوة
الي انتهت اغلبيتا بنهاية حلوة بس ياترى بهالزمن الي نحنا عايشينو رح ينتهي الحب بئصة حلوة يتزكرا الكل
رح احكي شوي عن هالموضوع الي بالاخير ما الو جواب مؤكد
ئصص الحب كتير حلوة وبنفس الوئت كتير صعبة
يعني بتلائي هلئ تنين بيحبو بعض شي مسجات موبايل غنية من هون وردة من هون ضحكة من هون
خنــــــــــــائة من هووووون
والي بيعمل حالو ادام حبيبتو عنتر وانو هو سبع البرمبة وكم كلمة من هون على انتي معي بأمان وانتي معي ماحدى بيئدر يزعلك
والي بدو يدايئك انا بدي كسرلو راسو
وعلى اقرب مشكلة بتلائي هرب متل الصرصور ف وين الحماية والعنتريات يابطل
اما من زمان كان لما يحكي كلمة كلمتو تكون متل حد السكين
ولما يعطي الوعد ماينام الليل ليوفي بوعدو ويضل بالو مشغول على حبيبتو ياترى شو عم تعمل ياترى هية بخير مشتئلها كتيـــر
والمسكينة بتكون ائعدة عم تفكر فيه بنفس الطريئة الي هو عم يفكر فيا انو مشتائتلو وضلان بالها عندو كتير
بزمانا هاد بتلائي الشب عم يفكر كيف بدو يطبئ بنت الجيران , وكيف بدو يحكي مع اخت رفيئو
بالرغـــــم انو بيكون حابب والمعترة حبيبتو بتكون عم تفكر فيه وتحلم بليلة عرسا معو ومالها دريانة بهالمئوص
نــــــــــادرا جدا ماتلائي علائة حب كتير حلوة
تزكرنا بأيام زمان ,,,, بيكون هالشب ئاعد على ضو القمر عم يفكر بحبيتو يا بيكون عم يكتبلا بيت شعر
يابيكون عم يبعتلا مسج فيو كلام عن الاشتياق والحب والتضحية والحلو انو بتكون كمان حبيبتو سهرانة على ضو القمر
وعم تعمل نفس الشي ,,,, وبيكون هالشب فعلا لما بيوعد مابينام ليوفي بوعدو
ولما بيحكي كلمة بيكون عندا متل " حبيبتي ازا حدى زعلك انا بدي كسرلو راسو .. ازا حدى بيتعرضلك بدي موتو .. انتي معي بأمان ......" وكتــــيــر من هالحكي الحو بس فعلا بيكون عند كلمتو
النئطة من هالحكي انو يمكن تلائي ئصص حب ناجحة بس ئليل كتير . بس ياترى برأيكون ئصص الحب الناجحة الي بتنتهي بزواج ممكن تبئى ناجحة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هادا سؤال لحد الان الاراء عليه مختلفة وانا حبيت ناقشكن بهالموضوع واسمع أرائكن لأتوصل لجواب نهائي
تحياتي rama kayali ^_^
